www.sayohat.ucoz.com

TOSHKENT TIBBIYOT-PEDIATRIYA INSTITUTI

Urazbaev — Tue, 20 Aug 2013 21:47:02 GMT

Dunyodagi butun mavjudot farzandi uchun yashaydi. Farzandi uchun borini beradi. Ayniqsa, insoniyat uchun farzandning sog‘lom rivojlanishi juda ham muhim. Aksiga olib yosh bolalar juda tez kasalikka chalinishadi. Bu esa bolalar shifokoriga bo‘lgan talabni oshirib yuboradi. Farzandlarimizning sog‘lom va barkamol bo‘lib voyaga yetishi uchun ularning o‘rni katta. O‘zbekiston pediatriya instituti ana shunday mutaxasislarni tayyorlaydigan oliy o‘quv yurtidir.

Bolalar shifokorligi kasbi juda murakkab va mas’uliyatli bo‘lganligi sababli ham talabalarning boshqa institutlardagi tengdoshlariga nisbatan ko‘proq o‘qishlari, bilim olishlariga to‘g‘ri keladi. Mazkur oliy o‘quv yurtiga 2012-2013-o‘quv yili uchun 400 ta talaba qabul qilindi. Shulardan 304 tasi milliy yo‘nalishga, 96 tasi esa rus tili yo‘naliishiga. Ushbu yo‘nalishlar va ularning qabul kvotalari haqida esa quyida kengroq ma’lumot berishga harakat qilamiz:

1. Pediatriya yo‘nalishi. Yuqorida ta’kidlaganimizdek, farzandlarimizning sog‘lig‘ini, davolash muolajalarini, emlashlarni, qo‘yingki, bolaning sog‘lom ulg‘ayishini ta’minlashni aynan shu yo‘nalish mutaxassislari o‘z zimmalariga oladilar. Shu bilan birga, ularning zimmasidagi mas’uliyat boshqa hamkasblarinikiga ko‘ra ko‘proq tosh bosadi. Zero pediatrlarning qo‘lida qaysidir oilaning, millat yoki Vatanning kelajagi davolanadi.

Ushbu yo‘nalishga 2012-2013-yilgi qabul paytida 1841 nafar abituriyent hujjat topshirgan. Ulardan 97 nafari davlat granti asosida, 131 nafari esa to‘lov-shartnoma asosida o‘qishga qabul qilingan.

Pediatriya yo‘nalishi talabasi bo‘lish uchun abituriyentlar biologiya, kimyo hamda ona tili va adabiyot fanlaridan imtihon topshirishadi. Ushbu yo‘nalish bakalavrlari 7 yil davomida kasbi sirlarini o‘rganishadi.

2. Davolash ishi yo‘nalishi. Ushbu yo‘nalishda umumiy tibbiyot sirlaridan saboq beriladi. Talabalar magistraturada meditsina sohasining yo‘nalishlarini tanlashlari mumkin. Masalan, ko‘z shifokori, quloq, tomoq va burun mutaxassisi kabi. Lekin bakalavr bosqichida hamma talabalar inson salomatligining barcha sohalarini o‘rganishadi.

Davolash ishi yo‘nalishi talabasi bo‘lish uchun ham biologiya, kimyo hamda ona tili va adabiyot fanlaridan imtihon topshiriladi. Mazkur yo‘nalishda ham bakalavr bosqichi ta’limi 7 yil davom etadi. Keyin yana uch yil tahsil olib, magistr darajasiga ega bo‘lish mumkin.

Joriy o‘quv yili uchun ushbu yo‘nalishga 377 nafar abituriyent hujjat topshirib, ulardan 15 nafari davlat granti asosida, 22 nafari esa to‘lov-shartnoma asosida o‘qishga qabul qilingan.

3. Oliy malakali hamshiralik yo‘nalishi. Hamshiralar tibbiyot sohasida eng zarur mutaxassis hisoblanadi. Ularning vazifalari shifokorlarga yordamlashishdir. Lekin hamshiralardan ham hakimlik bilimlari talab qilinadi. Amaliyotda ushbu kasb egalarining kichik xatolari katta oqibatlarga ham olib kelganligi ma’lum. Shu bois ham bu yo‘nalish talabalaridan qunt bilan ilm olish va ularni amaliyotda bexato qo‘llash talab qilinadi.

Oliy malakali hamshiralar, oddiyroq qilib aytganda, katta hamshiralarga rahbarlik qilishadi. Lekin ushbu yo‘nalish talabasi bo‘lish uchun abituriyentlar tibbiyot kolleji diplomiga ega bo‘lishlari lozim.

Mazkur yo‘nalishga 2012-13-o‘quv yilida 337 nafar abituriyent hujjat topshirib, ulardan 11 nafari davlat granti asosida, 15 nafari esa to‘lov-shartnoma asosida o‘qishga qabul qilindi.

Ushbu yo‘nalish talabasi bo‘lish uchun abituriyentlar biologiya (3,1) hamda ona tili va adabiyot (1,1) fanlaridan test topshirishadi va hamshiralik ishi bo‘yicha ijodiy ish sinovidan ham o‘tishadi. Bu yo‘nalish bakalavriatida ta’lim 3 yil davom etadi.

4. Kasb ta’limi(tibbiy-pedagogik ish). Kasb ta’limi haqida avvalroq ham aytib o‘tganimizdek, qaysidir sohani kelajak avlodga o‘rgatadigan murabbiylar yetishib chiqadi. Pedagogika sohasida o‘qituvchilik yo‘nalishida o‘qigan talabalar maktab, litsey va kollej talabalariga mashg‘ulot o‘tishsa, bu soha vakillari tibbiyot oliy o‘quv yurtlarida dars berishadi.

Bu yo‘nalish talabalari ham biologiya, kimyo hamda ona tili adabiyot fanlaridan imtihon topshirishadi.

Ushbu yo‘nalishga joriy o‘quv yilida 337 ta abituriyent hujjat topshirib, ulardan 11 nafari davlat granti asosida, 15 nafari to‘lov-shartnoma asosida talabalar safiga qabul qilingan.

TOSHKENT TIBBIYOT-PEDIATRIYA INSTITUTI

Urazbaev — Tue, 20 Aug 2013 21:45:35 GMT

Joriy o‘quv yili uchun ushbu yo‘nalishga 377 nafar abituriyent hujjat topshirib, ulardan 15 nafari davlat granti asosida, 22 nafari esa to‘lov-shartnoma asosida o‘qishga qabul qilingan.

Mazkur yo‘nalishga 2012-13-o‘quv yilida 337 nafar abituriyent hujjat topshirib, ulardan 11 nafari davlat granti asosida, 15 nafari esa to‘lov-shartnoma asosida o‘qishga qabul qilindi.

Bu yo‘nalish talabalari ham biologiya, kimyo hamda ona tili adabiyot fanlaridan imtihon topshirishadi.

Ushbu yo‘nalishga joriy o‘quv yilida 337 ta abituriyent hujjat topshirib, ulardan 11 nafari davlat granti asosida, 15 nafari to‘lov-shartnoma asosida talabalar safiga qabul qilingan.

Yuqorida keltirilgan statistik ma’lumotlar Navoiy ATM o‘qituvchilari tomonidan to‘plangan.

TOSHKENT DAVLAT YURIDIK INSTITUTI

Urazbaev — Tue, 20 Aug 2013 21:43:12 GMT

Huquqiy masalalarning yechimi davlat miqyosida juda muhim ahamiyat kasb etadi. Shu sababli ham mazkur sohadagi yetuk mutaxassislarni tayyorlab berish dolzarb vazifa hisoblanadi. Ushbu yo‘nalishda Toshkent davlat yuridik institutining o‘qituvchi-professorlari tinimsiz mehnat qilishmoqda. Har yili bu dargohni bitirgan 400 dan ortiq bitiruvchi huquqni muhofaza qilish idoralarida o‘z mehnat faoliyatlarini boshlashadi.

Mazkur oliy o‘quv yurtida birgina Yuruspridensiya yo‘nalishi bo‘yicha abituriyentlar qabul qilinadi. Talabalar bu yo‘nalishni tamomlab, o‘zlariga mos sohalarda, aniqroq qilib aytadigan bo‘lsak, quyidagi sohalardan birida ish olib borishlari mumkin:

1. Davlat boshqaruvida. Barchamizga ma’lumki, davlat boshqaruvi qonun chiqaruvchi palata hamda yuqori palata — Senatdan tashkil topgan. Yangi qonunlarni ishlab chiqish hamda uni bajarmagan shaxslarga nisbatan ko‘riladigan jazo turlarini belgilashda yuristlarga ehtiyoj seziladi. Yanayam aniqrog‘i, qonun chiqaruvchi palataning asosiy qismini yuristlar va huquq sohasidan xabardor deputatlar tashkil qilishadi.

2. Prokuratura organlarida. Hayotimizda sodir bo‘layotgan jinoiy ishlarga qarshi huquqni muhofaza qilish organlari kurashadi. Prokuratura esa ana shu organlardan biri va mazkur tizimda tergov va surishturuv ishlarini olib boradi. Bu organning xodimlari esa ushbu yo‘nalish bitiruvchilari hisoblanishadi.

3. Sud organlarida. Qonun chiqaruvchi organlar qonunlarni qabul qilsa, sud organlari esa qonunlar asosida odil sudlovni amalga oshiradi. Shunday qilib, sud hokimiyati tizimining bosh vazifasi inson huquqlarini himoya qilish, fuqarolar o‘rtasidagi nizolarni hal etish, aholi va davlat organlari hamda qonunlarning ijro etilishi ustidan nazoratni amalga oshirishdir.

Ko‘riladigan masalalarga qarab sudlar xo‘jalik (yuridik shaxslar, firmalar, korxona va tashkilotlar o‘rtasidagi xo‘jalik ishlariga oid masalalar bo‘yicha), fuqarolik (fuqarolarning o‘zaro munosabatlari bo‘yicha), jinoyat ishlari bo‘yicha (jinoyat kodeksida ko‘rsatilgan bandlardagi masalalar) va harbiy sudlarga bo‘linadi. Ushbu yo‘nalish bitiruvchilari o‘z qobiliyatlaridan kelib chiqqan holda ushbu sud organlaridan birida faoliyat ko‘rsatishlari mumkin.

4. Advokatlik firmalarida. Qaysidir muammo bo‘yicha yuqoridagi organlardan biriga ishi tushgan odam o‘zining haq-huquqlarini to‘liq bilmasligi mumkin. Bunday holatda esa mazkur soha vakillaridan birining yordamiga ehtiyoj seziladi. Fuqarolarning huquqiy himoyalanishini ta’minlovchi kasb egalari advokatlar hisoblanadi. Hozir yuridik va jismoniy shaxslarni bunday mutaxassislar bilan ta’minlovchi, huquqiy maslahatlar beruvchi firmalar talaygina. Toshkent davlat yuridik instituti bitiruvchilari esa shu firmalardan birida o‘z mutaxassisliklari bo‘yicha ishlashlari ham mumkin.

Bundan tashqari, hozir korxona va tashkilotlar o‘zlarining yuridik huquqlarini himoya qilishlari uchun yurist vazifasini joriy etishmoqda. Shu sababli mazkur soha vakillari bunday jamoalarda faoliyat ko‘rsatishlari mumkin.

Yuridik institutda tergov faoliyati o‘rgatilgani sababli bitiruvchilar Ichki ishlar vazirligi va Bosh prokuratura organlarining tergov boshqarmalarida ham faoliyat olib borishlari mumkin.

Mazkur oliy o‘quv yurtida talabalarning o‘z mutaxassisliklarini mukammal egallashlari uchun juda yaxshi imkoniyatlar yaratilgan. Yotoqxonalar zamonaviy jihozlar bilan to‘liq ta’minlangan. Hatto, yotoqxona eshigi yonida turib istalgan xonadagi odamni chaqirib oladigan zamonaviy texnika qurilmasi ham mavjud.

Bo‘lajak yuristlarning o‘z tajribalarini oshirib borishlari uchun institut qoshida yuridik klinika tashkil etilgan bo‘lib, mazkur klinikaning vazifasi fuqarolarga huquqiy ko‘mak berishdan iborat. Talabalar o‘z bilim va ko‘nikmalari yordamida kimgadir yordam berish bilan birga, o‘z tajribalarini ham oshirib boradilar.

Joriy o‘quv yilgi qabul jarayonida institutning milliy yo‘nalishiga 47 nafar abituriyent grant asosida, 310 nafar abituriyent esa to‘lov-shartnoma asosida talabalar safiga qabul qilindi.

Oliy o‘quv yurtining to‘lov-kontrakt qismiga o‘tish ballari 2011-2012-o‘quv yilida 169,6 ballni tashkil etgan bo‘lsa, 2012-13-o‘quv yilida 175,0 balldan iborat bo‘ldi.

Mazkur institut talabasi bo‘lish uchun abituriyentlar tarix, ona tili va adabiyot hamda ingliz tili fanlaridan imtihon topshirishadi.

TOSHKENT FARMATSEVTIKA INSTITUTI

Urazbaev — Tue, 20 Aug 2013 21:41:49 GMT

Toshkent farmatsevtika instituti dorishunoslik va dori ishlab chiqarish bo‘yicha mutaxassislar yetishtirib beruvchi Markaziy Osiyodagi yagona oliy o‘quv yurti hisoblanadi. Farmatsevtika sohasida yetuk mutaxassislikka erishmoqchi bo‘lgan abituriyentlar moddalarning tarkibi, ularning boshqa moddalar bilan reaksiyaga kirishishi yoki kirishmasligi, olingan modda nimalarga ta’sir ko‘rsatib, nimalarni kuchaytirib yuborishi haqida chuqur bilimga ega bo‘lishlari talab qilinadi. Chunki dorishunoslikning asosi qaysidir bakteriya yoki virusni boshqa moddalar yordamida yo‘q qilish hisoblanadi. Shifokorlarning asosiy yordamchilari esa farmatsevtlardir.

Institutni bitirgan mutaxassis dori ishlab chiqarishning qaysi bosqichida faoliyat ko‘rsatishi uning yo‘nalishiga bog‘liq. Shu bois Sizni Toshkent farmatsevtika institutining yo‘nalishlari bilan batafsil tanishtirsak.

1. Farmatsiya yo‘nalishini bitirgan talabalarning asosiy vazifasi yangi dori yaratish hisoblanadi. Bu yo‘nalish talabalari tanlagan yo‘nalishlariga ko‘ra dori tuzilishi, tarkibi, uning boshqa dorilar bilan ta’sirini aniqlashdan iborat. Bundan tashqari, mazkur yo‘nalishni tamomlagan talabalar sud-tibbiyot ekspertizalarida ekspert sifatida faoliyat olib borishlari ham mumkin.
03062010291.jpg

Faqat mazkur yo‘nalishni bitirgan talabalargina 3 yil tajribaga ega bo‘lishgandan so‘ng xususiy dorixona ochish huquqini beruvchi litsenziya olishlari mumkin.

2012-yilgi qabulda mazkur yo‘nalishga 1105 nafar abituriyent hujjat topshirgan. Ulardan 14 nafari davlat granti asosida, 96 nafari esa to‘lov-shartnoma asosida o‘qishga qabul qilingan. Mazkur yo‘nalish talabasi bo‘lish uchun abituriyentlar kimyo, biologiya hamda ona tili va adabiyot fanlaridan imtihon topshirishadi.

2. Sanoat farmatsiyasi yo‘nalishini bitirganlar farmatsiya yo‘nalishini tamomlagan talabalar tomonidan yaratilgan dori vositalarini ishlab chiqarish bilan shug‘ullanishadi. Ularning asosiy ish joylari farmatsevtika korxonalari hisoblanadi.

2012 – 13-o‘quv yilida ushbu yo‘nalishga 562 nafar abituriyent hujjat topshirgan. Ulardan 18 nafari davlat granti asosida, 47 nafari esa to‘lov-shartnoma asosida o‘qishga qabul qilingan. Bu yo‘nalishga kirish uchun kimyo, biologiya hamda ona tili va adabiyot fanlaridanimtihon topshiriladi.

3. Biotexnologiya yo‘nalishi bitiruvchilari tabiiy asosga ega bo‘lgan moddalardan dori vositalarini olish bilan shug‘ullanishadi. Tabiiy asosga ega bo‘lgan moddalar deganda dorivor o‘simliklar, hayvonlarning tanasidagi mahsulotlar, mineral moddalar tushuniladi. Bu mutaxassislar dorivor o‘simliklar o‘stirish va ko‘paytirishning o‘ziga xos nozik jihatlarini o‘rganish bilan birga ular yo‘qolib ketishining ham oldini olishadi.

Hozir kimyoviy dori vositalaridan ko‘ra ko‘proq tabiiy xom-ashyolardan olingan dori vositalariga talab ortib bormoqda. Lekin bu yo‘nalishni namunali tamomlagan talabalar ishsiz qolib ketishmaydi, albatta.

Mazkur yo‘nalishga o‘tgan yili 333 nafar abituriyent hujjat topshirgan. Ulardan 10 nafari davlat granti asosida, 15 nafari esa to‘lov-shartnoma asosida o‘qishga qabul qilingan. Bu yo‘nalish talabasi bo‘lish uchun kimyo, matematika hamda ona tili va adabiyot fanlaridan imtihon topshirishadi.

4. Kasbiy ta’lim yo‘nalishini bitirganlar barcha sohalarda bo‘lgani kabi dorishunoslik sohasi bo‘yicha ta’lim olmoqchi bo‘lgan o‘quvchilarga bilim berishadi. Bu yo‘nalish talabalarining ustunlik jihati ular dorishunoslik sohasini o‘rganish bilan birga pedagogika sirlaridan ham voqif bo‘lishadi.

Bu yo‘nalishga 2012-yili 309 nafar abituriyent hujjat topshirgan. Ulardan 10 nafari davlat granti asosida, 15 nafari esa to‘lov-shartnoma asosida o‘qishga qabul qilingan. Ushbu yo‘nalish talabasi bo‘lish uchun biologiya, kimyo hamda ona tili va adabiyot fanlaridan imtihon topshiriladi.

O‘ZBEKISTON DAVLAT JAHON TILLARI UNIVERSITETI

Urazbaev — Tue, 20 Aug 2013 21:25:43 GMT

Dunyo davlatlari bilan munosabatlar o‘rnatishda ular bilan umumiy muloqot tili juda muhim hisoblanadi. Albatta, muloqotga kirishuvchi har bir inson barcha millatlar tillarini bilishi shart emas. Bunday paytlarda ikki mamlakat o‘rtasidagi aloqalarni ta’minlaydigan mutaxassislarga ehtiyoj seziladi. Ular, albatta, qaysidir millatga mansub bo‘lishadi-da, ikkinchi millat tilini o‘rganishadi. Natijada, ikki davlat o‘rtasida diplomatik munosabatlar o‘rnatiladi.

Mamlakatimizda shu soha bo‘yicha kadrlar tayyorlab beradigan oliy o‘quv yurtlaridan biri - O‘zbekiston davlat jahon tillari universiteti.

Mazkur o‘quv maskanining til filologiyalari yo‘nalishlariga asosiy til (yo‘nalish nomi keltirilgan til), ona tili va adabiyot hamda tarix fanlaridan imtihon topshiriladi. Yo‘nalishlar quyidagilardan iborat:

1. Ispan filologiyasi. Bu yo‘nalishga o‘tgan yili 72 nafar abituriyent hujjat topshirgan bo‘lib, ularning 4 nafari davlat granti asosida, 16 nafari esa to‘lov-shartnoma asosida o‘qishga qabul qilingan.

2. Nemis filologiyasi. Ushbu yo‘nalishga 340 nafar abituriyent hujjat topshirib, ularning 29 nafari davlat granti asosida, 55 nafari esa to‘lov-shartnoma asosida talabalar safiga qabul qilingan.

3. Fransuz filologiyasi. Mazkur yo‘nalishga esa 2012 - 2013-o‘quv yilida 232 nafar abituriyent hujjat topshirgan bo‘lib, ulardan 15 nafari davlat granti asosida, 36 nafari esa to‘lov-shartnoma asosida o‘qishga qabul qilingan.

4. Ingliz tili filologiyasi. Dunyoda asosiy muloqot tili ingliz tili bo‘lgani sababli universitetda ushbu fakultet eng ko‘p mutaxassis tayyorlaydigan yo‘nalish hisoblanadi. Joriy o‘quv yilida fakultetga 3167 nafar abituriyent hujjat topshirgan bo‘lib, ulardan 187 nafari davlat granti asosida, 515 nafari esa to‘lov-shartnoma asosida o‘qishga qabul qilingan.

Fakultetda maxsus "IELTE” yo‘nalishi ham tashkil qilingan bo‘lib, u yerda ingliz tilining sir-asrorlari kengroq o‘rgatiladi va darslar to‘liq ingliz tilida olib boriladi. Yuqori darajali ingliz tili kurslarini, asosan, mana shu yo‘nalishni bitirgan mutaxassislar o‘rgatishi mumkin. "IELTE” yo‘nalishi talabasi bo‘lish uchun 1-avgustda bo‘ladigan imtihonda ingliz tili filologiyasi talabasi bo‘lish kerak. Undan so‘ng maxsus imtihon topshiriladi. Bu imtihonda ingliz tilidagi matnni eshitib tahlil qila bilish, berilgan matnni o‘qib, tushunib, gapira olish, shuningdek, grammatikadan bilimlar sinovdan o‘tkaziladi. Talabalikka qabul qilingan abituriyentlarning eng saralari ana shunday usul bilan tanlab olinadi.

5. Xitoy tili filologiyasi. Dunyoda aholi soni bo‘yicha birinchi o‘rinda turuvchi mamlakatning tilini o‘rgatadigan ushbu yo‘nalishga o‘tgan o‘quv yilida 171 nafar abituriyent hujjat topshirgan. Ularning 4 nafari davlat granti asosida, 16 nafari esa to‘lov-shartnoma asosida o‘qishga qabul qilingan.

6. Tarjima nazariyasi va amaliyoti. Boshqa tillardan o‘zbek tiliga yoki aksincha tarjima qiluvchi mutaxassislarni mazkur yo‘nalish tayyorlab beradi. Ma’lumki, tarjima – juda nozik ish. Tarixda davlatlar o‘rtasidagi muzokaralar tarjimonlar tomonidan noto‘g‘ri tarjima qilinganligi sababli ayrim ishlar nihoyasiga yetmasdan qolib ketgan holatlar ham yo‘q emas. Ushbu kasbning nozik jihatlarini sizga mazkur fakultet ustozlari o‘rgatishadi.

Ushbu yo‘nalishga o‘tgan yili 227 nafar abituriyent hujjat topshirib, ularning 13 nafari davlat granti asosida, 7 nafari esa to‘lov-shartnoma asosida o‘qishga qabul qilingan. Bu yo‘nalishga kirish uchun ona tili va adabiyot, chet tili va tarix fanlaridan imtihon topshiriladi.

Umuman, O‘zbekiston davlat jahon tillari universiteti mamlakatimizga har yili 1000 dan ortiq mutaxassis yetkazib beruvchi katta o‘quv dargohlaridan biri hisoblanadi. Shu bilan birga, har yili mazkur o‘quv yurti shuncha abituriyentni o‘z quchog‘iga ham oladi.